مه‌كتووباتی كاك أحمدی شێخ 2 به‌رگ - وه‌رگێڕانی مه‌لا عبدالكریمی مدرس

کاک ئەحمەدی شێخ (1793-1887 یان ١٢٠٨کۆچی بۆ ١٣٠٥کۆچی واتە٩٧ ساڵ ژیاوە) کوڕی شێخ مەعرووفی نۆدێ له گوندی نۆدێ لەدایک بووە، مەلا عەبدولکەریمیش وتوویە لە شاری سلێمانی لەدایکبووە و ھەر لەوێش کۆچی دوایی کردووە و بابی باپیرەگەورەی شێخ مەحموودی نەمرە، زانایانی ئایینی و ناودارانی تەریقەتی قادریه
سەرەتا بە قورئانی پیرۆز و کتێبە سەرەتاییەکان دەستی پێکردووە، بەڵکو لۆغەتنامەی ئەحمەدی بۆ ئەو نووسراوەتەوە...
ھەر لای باوکی خوێندنی شەرعی تەواوکردووە و بڕوانامەی زانستی وەرگرتووە... ھاوکات سلوکی تەرقەتیشی لای باوکی وەرگرتووە..

کاک ئەحمەدی شێخ کۆمەڵێک نووسراوەی ئایینی به زمانی فارسی لێ به جێ ماوە که به مەکتووباتی کاک ئەحمەدی شێخ ناسراون و له لایەن مەلا عەبدولکەریم مودەریسه وه به کوردی وەرگێڕدراون
وەک مودەرریس وتوویە جەنابی کاک ئەحمەدی شێخ ئامۆژگاری و ئیرشادی زۆری ھەبووە و ئەو مەکتووبانە کە ٩٩ مەکتووبن بۆ ئەمر بە چاکە و نەھی لە خراپە و ئەسل و فروعی ئاینی تێدایە و فەرمانی بە شوێنکەوتووانی کردووە بە شارو لادێکان پەخشی بکەن تا خەڵکی لە ئایین شارەزاببن..
ھەڵبەت زۆر بە پەرۆشەوە چاودێری کۆمەڵگای کردووە.. کە ئەم مەکتووێامە بخوێنیتەوە نموونەی زۆر دەبینی، بۆ نموونە دیاردەی شیر پێدان بە ھەڕەمەکی باسی کردوھە کە دروست نییە منداڵ بە ھەڕەمەکی شیری ئافرەتانی جگە لە دایکی پێ بدرێ، کاتێ منداڵەکەت لای دراوسێ جێ دەھێڵیت و ئەو منداڵە گریا و ئەوانیش شیری مەمکی خۆیان دایە.. ئەوکات شیر پێدەرەکە دەبێتە دایکی شیریی ئەو منداڵە و کچ کوڕەکانیشی ئەبنە خوشک و برای شیریی ئەو منداڵە و کە گەورە بوون مارەییان لێک نایە! سەیری ئەم وردەکارییە بکەن! نموونەی تریش زۆرن لەم مەکتووبانەدا...
کاک ئەحمەد له هاوچەرخانی مەولەوی کورد شاعیری به ناوبانگی کورده و لەگەڵ مەولەوی دا پەیوەندیەکی گەرمی هەبوه. کاک ئەحمەد له لایەن زانایان و گشتی خەڵکیەوه جێگەی ڕێز و حورمەت بوه، ئەم خاڵەمان له ئەم شیعری شێخ رەزای‌ تاڵەبانیەوه بۆ دەردەکەوێت:

مه‌ربووته حه‌یاتم به سوله‌یمانی و خاکی
خۆزگه‌م به سه‌گی قاپیه‌که‌ی ئه‌حمه‌دی کاکی
ئەو قودوەیی ساداته که سووکانی سەماوات
شەڕیانه له سەر سەجده له سەر مەرقەدی پاکی
ده‌ر حه‌ق به حه‌فیدانی ئه‌ده‌ب لازمه زینهار
قوربانی حه‌فیدانی ده‌بم ، بابی و داکی

مامۆستا مودەرریس چەند تایبەتمەندییەکی لە سەرەتای ئەم وەرگێڕانەیەدا باسکردووە:

١⁄ تەدریسێکی چاکی ھەبووە و چەندین خوێندەواری بەسوودی بەرھەمھێناوە
٢⁄ لە ئیرشادی تەریقەتدا قەت لە کیتاب و سوننەت لای نەداوە
٣⁄ مەنسوبەکانی ئەو بەردەوام مزگەوتی گەورەی سلێمانییان بە زیکر و تەھلیلە ڕازاندۆتەوە
٤⁄ بەردەوام سفرە و خوانی ئامادەبووە.. بەتایبەتی بۆ حافیزانی قورئانی پیرۆز
٥⁄ زۆر ھەوڵیداوە بۆ ئەمر ێە چاکە و نەھی لە خراپە
٦⁄ کۆششی زۆری بووە بۆ ئاسانکردنی کاری خەڵکی لە لایەن دەوڵەتەوە
٧⁄ وەک چۆن موریدی ھەبووە.. ھۆدەی تایبەتی بۆ قوتابییانی لەبەرکردنی قورئان تەرخانکردووە و مامۆستای بۆ گرتوون.. بەمەش فەرزێکی کیفایەی لە کوردستاندا بەجێ ھێناوە
# لە مامۆستایەکم بیستووە؛ کاتی خۆی لە بارەی جگەرەکێشانەوە لە کاک ئەحمەدی شێخیان پرسیوە، ئەویش فەرموویە جوانی موسڵمان لەوەدایە کە خۆی لەو شتە بەدوور بگرێت کە پەیوەندی بەوەوە نە بێت .. کە ئەوکات زانستی پزیشکی بۆی دەرنەکەوتبوو کە جگەرەکێشان زیانی ھەیە
سەرچاوە:
1-مێژووی ئه‌ده‌بی کوردی نووسراوه‌ی عه‌لائه‌دین سه‌ججادی، چاپخانەی مەعارفی بەغداد، 1951
2- مکتوبات شیخ کاک احمد سلیمانی، نشر پرتو بیان 1384 شمسی
#####

دەستخۆشیتان لێدەکەین کە ئەم کەسەیەتییەتان بەسەرکردەوە و دڵنیام رۆحی مودەرریس و کاک ئەحمەدی شێخ بەم کارەی ئێوە خشدەبێت.. چونکە کاک ئەحمەد کە لەژیان بووە ھەوڵیداوە بە شێوەی مەکتووب بە خەڵکی بگەیەنێت و بە فارسیش بووە، کەچی ئێوە ھاتن وەرگێڕاوە کوردییەکەی مودەرریستان بە شێوەی ئەلیکترۆنی پەخشکرد کە ئاشکرایە سودی زیادتری ھەیە بۆ خەڵکی ئەم سەردەمە.. دووبارە دەستتان خۆش

بارك الله فيكم
وجزاكم الله خيرا
واحسن الله اليكم
واعانكم الله ويسر امركم
كان الله لكم وكثر من امثالكم
ادام الله بقائكم علي الخير