زمانى فه‌رمی بۆ كوردستان - غازی علی خورشید

لە زمانی کوردیدا زۆر پێنچ شێوەزاری سەرەکی ھەیە و ھەریەکەیان چەندین لقی ھەیە کە بە "بن شێوزار" ناونراون، خۆ ھەمووشیان بانگەشەی ئەوە دەکەن کە شیاون بۆ زمانی ستاندارد و فەرمیی.

ڕێک وەک ئەو چیڕۆکە وان کە مامۆستا عەلائەددینی سوجادی لە بەرگی سێیەمی رشتەی مرواری دا گێڕاویەتییەوە، کە بەم جۆرەیە:

لە قسەی کوردەوارییە ئەڵێ:

جارێک یاپراخ و کفتە و بڕوێش و تورشاو بوو بە شەڕیان. کفتە بە بڕوێشی وت: بەخێر تۆش ناوی خۆتت ناوە شت؟ نە تامێک و نە شتێک؛ کەچی تەشریفیشت دێتە دیوەخان!

یاپراخ ڕووی کردە تورشاو و وتی: ڕەنگ بێ تۆش فیزێ لە خۆت بنێی و بڵێیت شتێکم؟ نە نانە ڕەق خۆی لە بەرتا ئەگرێ، نە خەپلەی ھەرزن ئەوێرێ توخنت کەوێ، نە گەلەدۆینە پێت ئەوێرێ؛ بەڵایەکیت کەوتوویتە ئەم ناوە و سەرت لە عالەم تێکداوە.

تورشاویش بەوی وت: خۆ من ھیچ نەبێ وام بە ڕووەوە، تۆ ئەڵێی دەستە بوخچەی تازەبووکی، ناشیرینی چروک، توندوتۆڵ خۆتت پێچاوەتەوە و کەس نازانێ ناو سکت چی تیایە و دەستی خەڵک ئەبڕی. ئەگەر فڕو فێڵت تیا نییە و ڕاست ئەکەی بۆ چ وا خۆتت پێچاوەتەوە؟

"کاواناشی"ش لە گۆشەیەکەوە بوو، گوێی لێ بوو. لە ژێر لێویەوە وتی: ئەوە ئەڵێن چی؟ ھەموو بە جارێ لێی ھاتنە دەنگ، وتیان: "توخوا دەم و فڵقت بەرە بەو لاوە، بێ تامی ئاوی 'خاسە' پیسی کەرە".

لەم ھەراھەرایە پڵاو نوستبوو خەبەری بۆوە؛ کۆکەیەکی بۆ کرد و بە فیزێکەوە وتی: "ئەرێ ھەتیوینە ئەو ھەراھەرایەتان لە چییە؟" ئەمانیش وتیان: قوربان ئاغە! کێ لەگەڵ تۆیەتی؟!.

بەڵێ زازاکی و ھەورامی-گۆران- و کرمانجی سەرو و ک. ناوەڕاست- سۆرانی،بابانی- و کرمانجی خواروو-لوڕی- ھەموویان وەک یاپراخ و کفتە و .. وان و ھەریەکەو تام و لەزەت و سوودی خۆی ھەیە، ھەموویانیش زمانی شیرینی کوردین و جێی شانازین.

بەڵام زمانیی فەرمی وەک پڵاوەکە وایە و کۆکەرەوەی ھەموویانە و دەبێت ھەموو کەسێک رێزی لێبگرێت، نەک وەک ئەوەی کە ئێستا ئەگوزەرێت ھەرکەسەو بۆخۆی بەزەوقی خۆی زمان دادەتاشێت و تەمانەت لە ئاستی حکومی و فەرمیشدا ڕەچاوی زمانی فەرمی نەکراوە

ئەم کتێبە ھەوڵێکە بۆ نزیکبوونەوە لە چارەی ئەو کێشە گەورەیە، چونکە کەسانێک ھەن زازاکی بەزمانێکی سەربەخۆ دەزانن کەسانێکیش لوڕ بە فارسی ئەزانن، ھەندێ لە ئێزدییەکانیش خۆیان بە کورد نازانن! ئەمەش مەترسییەکە بۆ لەت لەت بوونی زمانمان وەک لەتلەتبوونی خاکمان و فرەئیدارەیی لە ھەرێمی کوردستاندا

بەناوی ھەموو چیا سەرکەشەکانی کوردستانەوە دەستخۆشیتان لێدەکین

بارك الله فيكم
وجزاكم الله خيرا
واحسن الله اليكم
واعانكم الله ويسر امركم
كان الله لكم وكثر من امثالكم
ادام الله بقائكم علي الخير