منتدى اقرأ الثقافي
المواد المنشورة هنا لا تعبر بالضرورة عن رأي القائمين عليها

منتدى اقرأ الثقافي

منتدى ثقافي للكتب باللغات العربية والكوردية والفارسية
 
الرئيسيةالبوابةس .و .جبحـثقائمة الاعضاءالمجموعاتالتسجيلدخول

شاطر | 
 

 سه‌د ساڵ ته‌نیایی - گابریل گارسیا ماركیز

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ابو علي الكردي
المدير


عدد المساهمات : 4621
تاريخ التسجيل : 01/09/2013
العمر : 55
الموقع : أربيل

مُساهمةموضوع: سه‌د ساڵ ته‌نیایی - گابریل گارسیا ماركیز   السبت يونيو 11, 2016 11:12 pm



سه‌د ساڵ ته‌نیایی - ڕۆمان
نووسه‌ر: گابریل گارسیا ماركیز
وه‌رگێڕ: م. حسن ره‌ستگار
بڵاوكار: ده‌زگای چاپ و بڵاوكردنه‌وه‌ی ڕۆژهه‌لات & خانه‌ی ئاوێر بۆ چاپ و بڵاوكردنه‌وه‌
چاپی سێیه‌م 2015

سه‌روه‌ختێك بۆ جارێكی تر (سه‌د ساڵ ته‌نیایی(1))ی گابرێل گارسیا ماركیز(2)م خوێنده‌وه‌، شتێكی سه‌یرم به‌بیردا هات: (كاره‌كته‌ری سه‌ره‌كی رۆمانه‌ مه‌زنه‌كان منداڵیان نییه‌. ره‌نگه‌ له‌سه‌دایه‌كی خه‌ڵك و خوا منداڵیان نه‌بێت، به‌ڵام لانی كه‌می نیوه‌ی كاره‌كته‌ری سه‌ره‌كی ڕۆمانه‌كان، رۆمانه‌كه‌ جێدێڵن، به‌بێ ئه‌وه‌ی وه‌چه‌بخه‌نه‌وه‌).
نه‌(پانتاگرۆیل(3) و نه‌ بانورگ(٤) و نه‌ دۆنكیخۆته‌(5)، نه‌ (ڤاڵمۆنت و نه‌ ماركیزه‌ مێرتۆیل و نه‌ ژنه‌ به‌حورمه‌ته‌كه‌ی خانمی په‌یوه‌ندییه‌ ترسناكه‌كان(٦)، نه‌تۆم جۆنسی به‌ناوبانگترین پاڵه‌وانیفێڵدینگی(7) ڕۆماننوس و نه‌ڤێرته‌ر)، منداڵیان له‌دوای خۆیان جێنه‌هێشت.
ته‌واوی كاره‌كته‌ره‌ سه‌ره‌كییه‌كانی (ستاندال) (٨) وه‌جاخ كوێرن. به‌هه‌مان شێوه‌ش زۆرێك له‌كاره‌كته‌ره‌كانی (به‌لزاك)(9) و دۆستۆیڤسكی) و هه‌روه‌ها (مارسێل پرۆست)ی نووسه‌ری (گه‌ڕان به‌دوای زه‌مه‌نی ونبوو)(10) له‌سه‌ده‌ی رابردووداو بێگومان سه‌رجه‌م كاره‌كته‌ره‌ مه‌زنه‌كانی نێو به‌رهه‌مه‌كانی (مۆزێل) (11) ، (ئۆلرێش و ئاگاتای خۆشكی و ڤاڵته‌رو كلاریسی هاوسه‌ری و دیۆتیماو شڤایك(12) و كاره‌كته‌ره‌ سه‌ره‌كییه‌كانی فرانس كافكا(13)، جگه‌ له‌كارل رۆسمانی لاو كه‌سكی خزمه‌تكاره‌كه‌ پڕده‌كات)، به‌ڵام ڕێك و ڕاست له‌به‌رئه‌وه‌و به‌مه‌به‌ستی سڕینه‌وه‌ی ئاسه‌واری ئه‌و منداڵه‌ له‌ژیانی خۆیدا، سه‌ری خۆی هه‌ڵده‌گرێت و ڕوو ده‌كاته‌ وڵاته‌ یه‌كگرتووه‌كانی ئه‌مریكا، بۆ خاتری ئه‌وه‌ی رۆمانه‌كه‌ بتوانێت له‌دایك ببێت و ڕووناكی ببینێت. وه‌جاخ كوێری و وه‌چه‌نه‌خستنه‌وه‌، خواستێكی ده‌ست ئه‌نفه‌ستی رۆماننووسه‌كان نییه‌، به‌ڵكو ئه‌وه‌ رۆحی هونه‌ری ڕۆمانه‌ (یاخود هه‌ستی ناوه‌كی و ناخود ئاگایی ئه‌و هونه‌ره‌یه‌) كه‌ ڕقی له‌وه‌چه‌خستنه‌وه‌یه‌.
ڕۆمان له‌گه‌ڵ سه‌رده‌می مۆدێرندا سه‌ریهه‌ڵداوه‌و به‌وته‌ی (مارتن هایدگه‌ر)(14)، مرۆڤی كردۆته‌ خودێكی تاقانه‌ی راسته‌قینه‌و بنه‌مای هه‌موو شتێك. ئه‌وه‌ی وایكردووه‌ مرۆڤ له‌ئه‌وروپادا له‌سه‌ر ته‌خته‌ی شانۆ وه‌ك تاكه‌كه‌س جێی خۆی بكاته‌وه‌، به‌شێكی زۆری به‌هۆی رۆمانه‌وه‌یه‌. دوور له‌ڕۆمان (له‌ژیانی ڕاسته‌قینه‌ماندا)، زۆر شت ده‌رباره‌ی باوانمان و ئه‌و هه‌لومه‌رجه‌ی به‌رله‌دایك بوونمان هه‌بووه‌، نازانین و كه‌م تا كورتێك كه‌سوكاره‌كانمان ده‌ناسین.
ئێمه‌ ده‌یانبینین دێن و ده‌ڕۆن و هه‌ر ئه‌وه‌نده‌شی دیار نه‌مان، كه‌سانێكی تر شوێنیان ده‌گرنه‌وه‌. واته‌ حه‌شاماتێكی دوورودرێژ پێكده‌هێنن كه‌ ئه‌گه‌ری گۆڕین و ده‌سكاریكردنیان هه‌یه‌. ته‌نها ڕۆمان تاكه‌كه‌س جیا ده‌كاته‌وه‌و ژیاننامه‌و ئایدیا و ئه‌ندێشه‌كانی، ڕوونده‌كاته‌وه‌ و وای لێده‌كات قابیلی گۆڕان و ده‌سكاریكردن نه‌بێت. واته‌ ده‌یكاته‌ چه‌قی هه‌موو شته‌كان.
ڕۆمانه‌كه‌ به‌مه‌رگی(دۆن كیخۆته‌) كۆتایی دێت، ئه‌و كۆتاییه‌ ته‌نها له‌به‌رئه‌وه‌ هه‌تاهه‌تاییه‌، چونكه‌ (دۆن كیخۆته‌) منداڵی نییه‌. به‌بوونی منداڵه‌وه‌ ژیانی درێژه‌ی ده‌كێشا، تا ده‌بووه‌ نمونه‌یه‌ك چاوی لێبكرێت یان نه‌ده‌بووه‌ هیچ، سه‌ر سه‌لامه‌ت ده‌بوو یاخود ناپاكی له‌گه‌ڵ ده‌كرا. مه‌رگی باوك ده‌رگا به‌كراوه‌یی ده‌هێڵێته‌وه‌. پاشان ئه‌مه‌ ئه‌و شته‌یه‌ كه‌ له‌منداڵیه‌وه‌ ده‌درێت به‌ گوێماندا: (ژیانت له‌گه‌ڵ منداڵه‌كانتدا به‌رده‌وامێتی ده‌بێت، منداڵه‌كانت نه‌مریت بۆ فه‌راهه‌م ده‌كه‌ن). به‌ڵام گه‌ر چیرۆك و به‌سه‌رهاته‌كه‌م بتوانێت تادوای مردنم به‌رده‌وام بێت، ئه‌وه‌ مانای وایه‌ ژیانم بوونێكی ئۆتۆنۆم نییه‌ (واته‌ ته‌واو نابێت). ئه‌مه‌ش به‌و مانایه‌ دێت شتێكی ته‌واو ماتریال و دنیای هه‌یه‌ كه‌ تاكه‌كه‌س تێیدا ده‌توێته‌وه‌و به‌و تواننه‌وه‌یه‌ش، ڕازییه‌و ڕه‌زامه‌ندیشه‌ به‌وه‌ی بیر بچێته‌وه‌: (خێزان، وه‌چه‌، خێڵ و نه‌ته‌وه‌).
كه‌واته‌ تاكه‌كه‌س به‌و پێیه‌ی بنه‌مای هه‌موو شتێكه‌، جگه‌ له‌خه‌یاڵ پڵاوێك و ئه‌گه‌رو خه‌ونی چه‌ندین سه‌ده‌ی ئه‌وروپا، شتێكی دی نییه‌. پێده‌چێت هونه‌ری رۆماننوسین له‌گه‌ڵ (سه‌د ساڵ ته‌نیایی) گابریل گارسیا ماركیزدا، له‌و خه‌ونه‌ بێدار بووبێته‌وه‌و تاكه‌كه‌سی نه‌كردبێته‌ چه‌قی بایه‌خ پێدان، به‌ڵكو خه‌ڵك گه‌لێكی له‌و جێگه‌یه‌دا دانابێت كه‌ هه‌موویان، نۆرماڵن و هی ئه‌وه‌ نین كۆپی بكرێنه‌وه‌.
شایه‌نی باسه‌ هه‌ریه‌ك له‌وانه‌ ته‌نها شه‌وقی تیشكێكن له‌خۆر، به‌سه‌ر شه‌پۆلی ڕوبارێكی ڕاگوزه‌ره‌وه‌و هه‌ریه‌كه‌یان له‌گه‌ڵ خۆیدا، بیرچوونه‌وه‌ی داهاتووی خۆی به‌ هۆشیارییه‌وه‌ هه‌ڵگرتووه‌و ده‌زانێت چی ڕووده‌دات. هیچ یه‌ك له‌وانه‌ له‌سه‌ره‌تاوه‌ تا كۆتایی، له‌نێو دووتوێی ڕۆمانه‌كه‌دا نامێنێته‌وه‌.
دایكی هه‌موو ئه‌م خێڵه‌ (ئۆرسۆ لای پیره‌ژن، سه‌روه‌ختێك كۆچی دوایی ده‌كات ته‌مه‌نی سه‌دو بیست ساڵ ده‌بێت. ئه‌وه‌ش به‌ماوه‌یه‌كی زۆر پێش كۆتایی هاتنی ڕۆمانه‌كه‌ ڕووده‌دات و هه‌موانیش ناوی هاوشێوه‌یان هه‌یه‌: (ئاركادیۆ خۆسێ بۆیندیا، خۆسێ ئاركادیۆ، خۆسێ ئاركادیۆی دووه‌م، ئۆریلیانۆ بۆیندیا، ئۆریلیانۆی دووه‌م). ئه‌مه‌ش بۆئه‌وه‌ی ئه‌ومۆركانه‌ی لێكیان جودا ده‌كاته‌وه‌، بسڕێته‌وه‌ و بۆئه‌وه‌ی خوێنه‌ر له‌نێوانیاندا سه‌ری لێتێك بچێت.
به‌ڕواڵه‌تدا دیاره‌كه‌ سه‌رده‌می فه‌ردانیه‌تی ئه‌وروپی، ئیدی سه‌رده‌می ئه‌وان نه‌بێت. ئه‌ی كه‌واته‌ سه‌رده‌می ئه‌وان كامه‌یه‌؟ سه‌رده‌مێك كه‌ بۆ ڕابردووی هندییه‌ سووره‌كانی ئه‌مریكا ده‌گه‌ڕێته‌وه‌؟ یاخود سه‌رده‌مێكه‌ سه‌ر به‌پاشه‌ڕۆژێكه‌، تاكه‌كه‌س له‌ناو حه‌شاماتدا بزر ده‌بێت؟ هه‌ستێكی وام هه‌یه‌ ئه‌م رۆمانه‌ كه‌به‌رز نرخاندنێكی له‌ڕاده‌به‌ده‌ری هونه‌ری ڕۆماننوسینه‌)، هاوكات ماڵئاوایكردنیشه‌ له‌ ڕۆژگاری ڕۆمان.
په‌راوێزه‌كان:
1- سه‌د ساڵ ته‌نیایی: ئه‌و رۆمانه‌یه‌ كه‌ (ماركیز) خه‌ڵاتی نۆبڵی پێ به‌ده‌ست هێنا. به‌ زمانی ئیسپانی نوسراوه‌و باسی ژیانی بنه‌ماڵه‌ی (بۆیندیا) ده‌كات، له‌ڕێ شه‌ش نه‌وه‌ی جیا جیاوه‌. نزیكه‌ی سی ملیۆن دانه‌ی لێ چاپكراوه‌ و بۆ زیاتر له‌ سی و پێنج زمانیش وه‌رگێڕدراوه‌.
2- گابریێل گارسیا ماركیز: نووسه‌رو رۆماننووسێكی كۆڵۆمبیاییه‌، ساڵی ١٩٢٧ له‌ئاراكاتاكا له‌ كۆڵۆمبیا له‌دایكبووه‌. سه‌ره‌رای ئه‌وه‌ی ڕۆمان و چیرۆك ده‌نووسێت، ئه‌كتیڤیستێكی سیاسیه‌و كاری ڕۆژنامه‌نوسیش ده‌كات. ساڵی 1981 له‌سه‌ر ڕۆمانی (سه‌د ساڵ ته‌نیایی)، خه‌ڵاتی نۆبڵی ئه‌ده‌بیات وه‌رده‌گرێت. خوێنه‌ره‌كانی به‌ (گابۆ) ناوی دێنن. سه‌فه‌رێكی زۆری وڵاتانی كردووه‌و چه‌ندین وڵاتی ئه‌وروپایی گه‌ڕاوه‌ و تا ساته‌وه‌ختی مردنیشی، له‌شاری مه‌كسیكۆسیتی پایته‌ختی وڵاتی مه‌كسیك ژیاوه‌ و له‌وێ خاوه‌نی هه‌فته‌نامه‌ی (كامبیر)بووه‌و ساڵی (17/4/2014) ماڵئاوایی له‌ژیان كردووه‌.

3- ناوی قاره‌مانی یه‌كه‌مین كتێبی (فرانسوا رابیلێ)یه‌ كه‌ له‌ساڵی 1532 چاپكراوه‌.
4- یه‌كێكی تره‌ له‌كاره‌كته‌ره‌ سه‌ره‌كییه‌كانی كتێبه‌كه‌ی (فرانسوا ڕبیلێ) و هاوڕێیه‌كی نزیكی (بانتا گرۆیل)ه‌.
5- دۆن كیخۆته‌: یه‌كێكه‌ له‌ ڕۆمانه‌ زۆر به‌ناوبانگه‌كانی جیهان و (میگێل دی سێرڤانتس) نووسیویه‌تی.
6- هه‌رسێكیان كاره‌كته‌ری سه‌ره‌كی رۆمانی (په‌یوه‌ندیه‌ ترسناكه‌كان)ی (شۆدێر لوس دی لاكلۆس ی ئه‌دیب و ڕۆماننوسن.
7- هێنری فێڵدینگ: نووسه‌ر و رۆماننوسێكی به‌ریتانیه‌و خاوه‌نی رۆمانی (تۆم جۆنز)ه‌.
8- ستاندال: نوسه‌رێكی فه‌ره‌نساییه‌، له‌چاره‌كه‌ی یه‌كه‌می سه‌ده‌ی نۆزده‌دا ژیاوه‌.
9- هۆنۆری دی به‌لزاك: نووسه‌رێكی فه‌ره‌نسی زۆر به‌ناوبانگه‌. ساڵی 1799له‌ شاری توری فه‌ره‌نسی له‌دایك بووه‌و ساڵی 1850 كۆچی دوایی كردووه‌.
10- گه‌ران به‌دوای زه‌مه‌نی ونبودا: ئه‌م رۆمانه‌ نوسه‌رو ڕۆماننوسی فه‌ره‌نسی(مارسێل پرۆست) نوسیویه‌تی و له‌نێوان سالانی 1908 و 1909 دا نوسراوه‌و له‌ساڵی 1913 و 1927 له‌ حه‌وت به‌رگدا چاپكراوه‌. سیانیان دوای مه‌رگی خۆی چاپكراون. (مارسێل پرۆست) ساڵی 1871 له‌پاریس له‌دایك بووه‌و ساڵی 1922 كۆچی دوایكردووه‌.
11- ڕۆبێر مۆزێل: نووسه‌ر و ئه‌ندازیار و ده‌رهێنه‌رێكی شانۆیی به‌ڕه‌چه‌ڵه‌ك نه‌مساوییه‌. ساڵی 1880 له‌ كلاژینفۆرت له‌دایك بووه‌ و ساڵی 1942 له‌ ژنێف كۆچی دوایی كردووه‌. به‌رله‌ هه‌ر شتێك به‌و ڕۆمانه‌ ته‌واونه‌كراوه‌ی ناسرا كه‌ به‌ناوی(رجل بلا میزات) ه‌وه‌یه‌.
12- ئه‌وانه‌ چه‌ند كاره‌كته‌رێكی ناو رۆمانه‌كانی (مۆزێل)ن.
13- فرانس كافكا: یه‌كێكه‌ له‌ گه‌وره‌ترین نوسه‌رانی سه‌ده‌ی بیسته‌م. (دادگایی و كۆشك) له‌ه‌ به‌ناوبانگترین به‌رهه‌مه‌كانین.
14- مارتن هایدیگه‌ر: فه‌یله‌سوفێكی به‌ناوبانگی ئه‌ڵه‌مانیه‌. ساڵی 1889 له‌دایك بووه‌و ساڵی 1976 كۆچی دوایكردووه‌. به‌ یه‌كێك له‌و فه‌یله‌سوفانه‌ ئه‌ژمار ده‌كرێت كه‌ شوێن ده‌ستیان به‌سه‌ر سه‌ده‌ی بیسته‌مه‌وه‌ دیاره‌.
سه‌رچاوه‌: میلان كوندیرا: لقاء دراسه‌ فی النقد الادبی).

له‌ پێگه‌ی كوردستانی نوێوه‌ ئه‌م پێشه‌كیه‌م وه‌رگرتووه‌

داگرتنی ڕۆمانه‌كه‌
=======
لینكی ڕاسته‌وخۆ****لینكی تر
4SHARED###ARCHIVE

الرجوع الى أعلى الصفحة اذهب الى الأسفل
http://iqra.ahlamontada.com
shalawxp



عدد المساهمات : 1
تاريخ التسجيل : 14/01/2016

مُساهمةموضوع: رد: سه‌د ساڵ ته‌نیایی - گابریل گارسیا ماركیز   الأحد يونيو 12, 2016 12:57 am

ده‌ستان خوش بێت و هه‌ر سه‌ركه‌وتوو بن
الرجوع الى أعلى الصفحة اذهب الى الأسفل
ابو علي الكردي
المدير


عدد المساهمات : 4621
تاريخ التسجيل : 01/09/2013
العمر : 55
الموقع : أربيل

مُساهمةموضوع: رد: سه‌د ساڵ ته‌نیایی - گابریل گارسیا ماركیز   الأحد يونيو 12, 2016 1:28 am

یاخوا سه‌رت خۆش بێت كاك شاڵاو، به‌ده‌گمه‌ن شتی وا ڕوو ئه‌دات ، یه‌كێك كتێبێك داگری و شتێك بنووسێت ، هه‌مووی ته‌نها ده‌یه‌وێ به‌ڵام ، ده‌ست خۆشی و شتی وا نیه‌ ....
@shalawxp كتب:
ده‌ستان خوش بێت و هه‌ر سه‌ركه‌وتوو بن
الرجوع الى أعلى الصفحة اذهب الى الأسفل
http://iqra.ahlamontada.com
aras
عضو متميز


عدد المساهمات : 473
تاريخ التسجيل : 02/11/2015
الموقع : كوردستانى گەورە

مُساهمةموضوع: رد: سه‌د ساڵ ته‌نیایی - گابریل گارسیا ماركیز   الأحد يونيو 12, 2016 1:52 pm

دەستان خۆشبێت

ئەم زانیارییانەی خوارەوەم لە ویکیپێدیاوە راگوێزکردووە:

گابریل گارسییا مارکێز (بە ئیسپانی: Gabriel José García Márquez؛ ٩ی ئازاری ١٩٢٧ – ١٧ی نیسانی ٢٠١٤)نووسەرێکی بەناوبانگەی خەڵکی کۆلۆمبیا و براوەی خەڵاتی نۆبێلی وێژە بووە.

ژیاننامە:
گابریێل گارسیا مارکێز ڕۆمانووس و ڕۆژنامەوان و بڵاوکەر وسیاسەتمەدارێکی وڵاتی کۆلۆمبیا بوو. لە ڕێکەوتی ٦ی ئازاری ١٩٢٨ لە گوندی ئارکاتاکای ناوچەی سانتامارای کۆلۆمبیا لەدایک بوو. خێزانی گارسیا بەھۆی ھەژاری و نەداری ئەرکی بەخێۆکردن و گەورەکردنی گارسیای منداڵ بەباوەگەورەی دەستپێرن.

ئەو ماوەی لەلای باپیری بوو گابرێلی منداڵ ھەموو رۆژێک بۆ ماوەی چەند کاتژمێرێک گوێی لەحیکایەت و چیرۆکەکانی باوەگەورەی دەگرێ و ئەو بابەتە ھێندە کاریگەری لەسەر گابریێل دادەنێ کەناوبراو دواتر دەنووسێ ھەست دەکەم سەرجەمی نووسراوەکانم دەربارەی ئەزموونەکانم لەباوەگەورەو رابردووەکانی باوو باپیرانمەوەیە.

دواتر گابریێل لە ھەشت ساڵیدا باوەگەورەی لەدەست دەدات و دایە گەورەشی بەھۆی پیری و پەککەوتوویی چاوی لەدەست دەدات و کوێر دەبێ. ھەر بۆیە گابرابرێلی مێرمنداڵ بۆ جارێکیتر بۆ لای خێزانەکەی دەگەڕێتەوەو بەشێوەی فەرمی دەست بەخوێندن لەقووتابخانەکان دەکات. گابریێل لەخوێندنگە سەرەتاییەکەی شاری "سوکری" بەنووسینی شیعرو کێشانی کاریکاتێر ناوبانگ دەردەکات و بەھۆی بێدەنگبوون و سەرقاڵبوون بەکارەکانی لەقووتابخانە بە «گابرێلی پیرە پیاو» دەناسرێ.

خوێندن:
ساڵی ١٩٤٠ و لەتەمەنی ١٢ ساڵیدا بورسی خوێندن بۆ خوێندکارانی زیرەک وەردەگرێ روو لەقووتابخانەیەکی سەر بەکەنیسە لەشاری زیپاکیورای نزیک پایتەختی کۆلۆمبیا دەکا. پاش ھەفتەیەک مانەوە لەقووتابخانەکە واز لەخوێندن دێنێ و بۆ ماڵەوە دەگەڕێتەوە.

دواتر گابرێلی گەنج دەست بەنووسین دەکات و یەکەم نووسراوەکانی لەساڵی ١٩٤١ و لە رۆژنامەی «جوین تودەێی» تایبەت بە خوێندکارانی کۆلۆمبیا بڵاودەکاتەوەو لەساڵی ١٩٤٧ بۆ درێژەدانی خوێندن روو لەزانکۆی بۆگۆتا دەکات و دەست بەخوێندنی یاسا دەکات.

گابریێل ھاوشێوەی زۆربەی نووسەرانی گەورەی جیھان پێیوایە کەزانکۆ ھیچ چێژو خۆشییەکی زانستی پێ نابەخشێ و ھەربۆیە بەجێگەی سەعیکردن و خوێندنی کتێبەکانی زانکۆ روو لەخوێندنەوەی شیعرو گەڕانی بێ ئەنجام بەناو شەقامەکانی شاردا دەکات.

خوێندنەوە:
لە چێشتخانە گەڕۆکەکان و لەکوچەو کۆڵانەکاندا خورادن دەخوات، بەردەوام جگەرە دەکێشی و روو لەخوێندنەوەی ئەدەبیاتی سۆسیالیستی و بەرھەمەکانی نووسەران و شاعیرانی چەپی ئەو سەردەمی جیھان دەکات.

خوێندنەوەی کتێبەکانی کافکای بەناوبانگ ژیانی دەگۆڕێ و گابریێل لەوتووێژو نووسراوەکانی دواتریدا باس لەکاریگەرییەکانی خوێندنەوەی بەرھەمەکانی کافکا لەسەر ژیانی دەکات.

نووسین:
گابریێل گارسیا مارکیز لەساڵی ١٩٤٦ بەشێوەی جدی دەست بەنووسین دەکات و یەکەم چیرۆکی بەناوی سێھەمین دەست لە کارکێشانەوە لەرۆژنامەی ئال بۆگاتا بڵاودەکرێتەوە. پاش بڵاوبوونەوەی کورتە چیرۆکەکە، چەندین چیرۆکیتر دەنووسێ و لەھەمان رۆژنامەدا بڵاوی دەکاتەوە.

دواتر ساڵی ١٩٦٥ دەست بەنووسینی رۆمانی سەد ساڵ لە تەنیاییدەکات و لەساڵی ١٩٦٨ نووسینی چیرۆکەکە تەواو دەبێ. رۆمانێک کەبووە شاکاری ئەدەب و تائێستاش بە گرنگترین ڕۆمانی جیھان ناودێردەکرێ.

خەڵاتی نۆبێل:
ساڵی ١٩٨٢ لێژنەی ھەڵبژاردنی خەڵاتی نۆبێلی ئەدەبیات لە وڵاتی سوید بەتێکڕایی دەنگ رۆمانی سەد ساڵ لە تەنیاییبەباشترین بەرھەم ھەڵدەبژێرن و خەڵاتی نۆبڵی ئەدەب بەگابریێل دەبەخشن. "سەد ساڵ تەنیایی" بە خێرایی ھەموو سنوورەکانی جیھان دەبڕی و وەردەگێڕدرێتە سەر زۆربەی زمانەکانی جیھان.

وێژە:
مارکیز پێشەنگی فۆرمی ئەدەبی ریالیزمی جادوویی بوو، ئەگەرچی سەرجەمی بەرھەمەکانی سەر بەو قووتابخانە نین، بەڵام رەخنەگران گرنگی بەو لایەنەی نووسینەکانی مارکێز دەدەن.

ڕۆمانەکان:
گابریێل دواتر چەندین ڕۆمان دەنووسێ و سەرجەمی رۆمانەکان ناوبانگی گەورەی جیھانی بۆ خۆیان دەستەبەر دەکەن. ئەوانیش؛عەشق و شەیتان، ڕاپۆرتێک سەبارەت بە ڕفاندن، یادەوەری خۆشەویستە خەمناکەکانی من، کاتژمێری شووم، تۆفانە گەورەکە و چەندان رۆمانی تر بەرھەمەکانی دواتری گابریێل گارسیا مارکێزن.

نەخۆشی:
گابریێل گارسیا مارکیز ساڵی ١٩٩٩ تووشی نەخۆشی شێرپەنجەدەبێ و تا دوایین ساتەکانی ژیانی لەژێر چاودێری پزیشکدا بوو. ئەو ھەرئەو ساڵ واتە ساڵی ١٩٩٩ بووە پیاوی ساڵی ئەمریکای لاتین و ساڵی ٢٠٠٠ بەسەدان ھەزار کەس لەخەڵکی کۆلۆمبیاداوایان لەناوبراو کرد بێتە سەرۆک کۆماری وڵاتەکەیان و بەڵام داواکەی قبووڵ نەکردن.

وەسیەتنامە:
زۆرتان لێ فێربووم ئەی مرۆڤ ھەموو دەیانەوێت لەلوتکەی چیا ژیان بکەن بەڵام ڕازی خۆشبەختی ھەڵگەڕانە بەسەر چیادا نەک خودی لوتکەی چیاکە کەخەونی پێوە دەبین. گەر خودا بخوازێ دەرفەت و ژیانێکی دیکە پێم ببەخشێ بەھەموو بوونم دەیقۆزمەوە، ڕەنگە ئەوە نەڵێم کەبیری لێدەکەمەوە بەڵام بەدڵنیاییەوە بیر لەوە دەکەمەوە کەدەیڵێم. ھەموو شتێک بەھای خۆی پێدەبەخشم وەک ئەوەنا کە ئەوشتە گوزارشت لەچی دەکات بەڵکو ئەوەی چ بایەخێکی ھەیە. کەم دەخەوم و خەو زۆر دەبینم ئەبێ ئاگامان لەوە بێت خولەکێک چاو لێک دەنێین واتە لەدەست چوونی «٦٠چرکە» لە ڕۆشنایی.

ئەڕۆم و رێدەکەم لەکاتێکدا ئەوانی تر وەستاون، بێدا دەبم کاتێک ئەوانی تر لەخەودان، گوێ دەگرم کاتێک ئەوانی تر قسە دەکەن. گەر خودا ژیانێکی ترم پێ ڕەوا ببینێ ئەو کاتە بەرگی زۆر سادە دەپۆشم و لەسەر زەوی بەڕووتی ڕادەکشێم، نەک ڕووتی جەستە بەڵکو بەعوریانی ڕۆحیشەوە ئەوە بۆ خەڵک دەسەلمێنم کەچەندە ھەڵەن کاتێک وابیر دەکەنەوە عاشق نابن کەپیر دەبن بێ ئەوەی ئاگایان لەوە بێت کەئەوان کاتێک پیردەبن کە لە عەشق دەکەون. گەر جارێکی تر دەرفەتم ھەبووایە باڵم دەبەخشی بەمناڵەکان، بەڵام لێیان دەگڕام خۆیان فێری پەرواز و فڕین بن، فێرم دەکردن مەرگ لەگەڵ پیریدا نایەت بەڵکو ھۆکاری لەبیرچوونە. ئەی مرۆڤ زۆر لەئێوەوە فێربووم، فێربووم کاتێک مناڵێکی ساوا بۆیەکەم جار دەستی بۆ باوکی درێژ دەکات ئەوا مانای ئەوەیە دەیەوێ بۆ ھەمیشە دەستی لەدەستی بەرنەدات، فێربووم مرۆڤ ئەتوانێ ڕێ بەخۆی بدات لەسەرەوە لەوی تر بڕوانێت، ئەمە تەنھا لەکاتێکدا بیەوێت ڕاستی بکاتەوە دوای ئەوەی کە کەوتووە. زۆرتان لێ فێربووم ئەی مرۆڤ بەڵام کەمیان کەڵم دەگرێ، لەبەرەوەی ئێستا من جانتاکەم ئەپێچمەوەو مالئاوی لە ژیان ئەکەم ھەمیشە ئەوە بلێ کە ھەستی پێ ئەکەیت و، ئەوە بکە کە بیری لێ ئەکەیتەوە گەر بمزانیایە ئەمە دواین جارە بە نوستوی ئەت بینم بە توندی لە باوەشم ئەگرتی و لە خودا ئەپاڕامەوە بمکا بە پاسەوانی ڕۆحت. گەر بمزانیایە ئەمە دواین ساتەکانە کە تیایا ئەتبینم خۆم ھەڵەو نا ئاگا ئەکرد کە تۆ ھەموو شتێک ئەزانی، لە بەرامبەرتا ڕا ئەوەستام و بە شرم و ترسەوە پێم ئەوتی "خۆشم دەوێی". ھەمیشە سبەینەێەک ھەیە، ژیان دەرفەتمان ئەداتی تا باشتر بژین، بەڵام ئەگەر ھەڵە نەبم ئەمە دواین رۆژی ژیانی منە خۆشم لەوە دێت پێت بڵێم " چەند خۆشمەوێی "، "ھەرگیز لەبیرت ناکەم"، چون سبەینی نادیارەو نازامنە چ بۆ گەنج و چ بۆ پیر رەنگە ئەمە دواین جار بێت ئەو کەسانە ئەبینمەوە کە خۆشمەوێن لەوە زیاتر چاوەرێ مەبە تا درەنگی نەکردووە، ھەر ئەمڕۆ بکەوە خۆت، رەنگە سبەینێ نەیەت ئەوکات لەسەر ئەمرۆ پەشیمان ئەبیتەوە کە کاتێ نەبوو بۆ پێکەنینێ‌ک، لە باوەش گرتنێک، ماچێک یان سەرقاڵ بووی تا دوا تەمەنای خۆت بدرکێنی ھەمیشە نزیکبە لە خۆشەویستانت بچرپێنە بە گوێیاندە کە تۆ پێویستت پێیانە خۆشت بوێن و گرنگیان پێ بدە لە کاتی خۆت بگرە پێیان بڵێی "لێت تێ ئەگەم،،بمبورە،،بە ئەرک نەبێ،،سوپاس" ھەم و پەیڤەکانی خۆشەویستی لە ئاستیانا بە دڵ دەر ببڕە لە بیری ئەوەیابن داوا لە خودا بکەن تا ھێزوو حیکمەتان پێ ببەخشی تھا بتوانن گوزارشت لە خۆشەویستیتان بکەن... ھەروەھا ئەوە بکەنە بەڵگە نەویستێک بۆ ھاورێ و دۆستانتان کە ئەوان چەندە بۆ ئێوە گرنگن. ھەمیشە ئەوە بڵێ کە ھەستی پێ ئەکەیت و ئەوە بکە کە بیری لێ ئەکەیتەوە.

 
کۆتایی ژیان:
نووسەری ڕۆمانی بەناوبانگی جیھانی سەد ساڵ لە تەنیاییسەرەنجام بۆ ھەمیشە ماڵئاوایی لە جیھان و لەئەدەبیات کردو جیھانی ئەدەبی ھەتیوو خستەوە. گابریێل گارسیا مارکیز ئەستێرە پرشنگدارەکەی ئاسمانی ئەدەبی جیھان لەتەمەنی ٨٧ ساڵیدا ڕۆژی پێنجشەممە ١٧ی نیسانی ٢٠١٤ گیانی لەدەست دا.

الرجوع الى أعلى الصفحة اذهب الى الأسفل
ابو علي الكردي
المدير


عدد المساهمات : 4621
تاريخ التسجيل : 01/09/2013
العمر : 55
الموقع : أربيل

مُساهمةموضوع: رد: سه‌د ساڵ ته‌نیایی - گابریل گارسیا ماركیز   الأحد يونيو 12, 2016 6:05 pm

ده‌سته‌كانت خۆش بێت كاك aras
الرجوع الى أعلى الصفحة اذهب الى الأسفل
http://iqra.ahlamontada.com
مامە ڕیشە مامە ڕیشە



عدد المساهمات : 4
تاريخ التسجيل : 19/06/2016

مُساهمةموضوع: رد: سه‌د ساڵ ته‌نیایی - گابریل گارسیا ماركیز   الإثنين يونيو 20, 2016 10:02 am

ده ستان خوش بیت، به راستی کاره که ت بی وینه یه به ریز
الرجوع الى أعلى الصفحة اذهب الى الأسفل
 
سه‌د ساڵ ته‌نیایی - گابریل گارسیا ماركیز
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى اقرأ الثقافي :: كتێبخانه‌ی كوردی - المكتبة الكوردیة :: ڕۆمان ، چیرؤك ، ئه‌ده‌ب , كولتور-
انتقل الى: