ریاض الصالحين من كلام سيد المرسلين صلى الله عليه و سلم به‌ كوردی - 2 به‌رگ - ئیمامی نه‌وه‌وی

مامۆستا نوری لە پێشەکیدا ئەڵێت:

ئەم نامە پیرۆزە کە واین لە خزمەتیدا، کە خواناسی ھەرە گەورە، دیاری عیلم و تەقوا، دانای فرە زانا، گەورە و سەروەری پایەبەرزمان ئیمامی نەوەی یەحیای کوڕی شەرەف -رەزای خوای لێبێت- دایناوە و ناوی ناوە....

ئەم نامەیە لەبەر پیت و بەرەکەت و پیرۆزی خۆی و دانەری وەک ئەستێرەی ئاسمان پەخش و بڵاوبۆتەوە بەناو وڵاتی ئیسلامدا، وەک گوڵی کوێستان ناسک و نازدارە و وەک چیای کوردستان بەرز و بەڕێزو ناودارە، کەم شوێن ھەیە ئەم نامەیەی لێ نەبێ، مەگەر مەلا و مزگەوت و فەقێ و ئەمانەی لێ نەبێ، چونکە بێگومان بۆ مرۆڤی موسوڵمان ھەم کلە بۆ چاوی ھەم ھێزە بۆ ھەناوی، ھەم خۆراکە بۆ گیانی....

بەراستی خوێنەرەوەی خودا پێداوی ئەم پارچە نوورە وا ھەست دەکا کەوا لە ناو باخ و بۆلاخی بەھەشتدا گەشت دەکا،

کەوا لە خزمەتی حەزرەتدا لە بادەی حەوزی کەوسەر خۆی مەست دەکا، یا وا لەناو دانیشتنی یارانیدا، دەڵێی بە گوێی خۆی ئەم فەرمایشت و فەرمودە پیرۆزانە، لە زاری حەزرەت و یارانی دەژنەوێ درودی خودا لەسەر خۆی و رەزائ خودای گەوە و مەزن لەسەر یارانی بێ

وە بۆن و بەرامەی ئەم باخچە گەلەی بەھەشتە دەچێ بەسەریدا و دڵ و دەروون و چاو و ھەناوی بە نوور و تیشکیان رۆشن و فێنک دەبێتەوە و مێشک و ھەستی لە بۆن و بەرامەی خۆش و خەستیان و لە رەنگ و بۆی ناسک و نازداریان مەست دەبێ..

... بە ھەر حاڵ لە خودا بەزیاد بێ، خودا تەفیقی دام ئەم کتێبە بێ وێنە و بێ ھاوتایەم لە دەوروبەری ساڵی ١٩٧٢ی زایینی دا وەرگێڕایە سەر زمانی شیرینی کوردی..

ئیمامی نەوەوی شافیعی دووەم ڕەزای خوای لێ بێ .. لە پێشەکییەکەیدا دەفەرموێ:

.. ئیتر وام بە باش زانی کە لەو حەدیسە صەحیحانەی کەوان لە کتێبە ناودار و مەشھورەکانی حەدیثی حەزرەتدا صلى الله عليه وسلم دەستە گوڵێکی کەمێ کورت کۆ بکەمەوە و بیکەم بە کتێبێکی وا کە ببێ بە مایەی رێگەی رزگاری دواڕۆژ بۆ خاوەنی، وە ئەوەی پێویست بێ بۆ وێڵ و ڕەوشت و رەفتاری باشی دنیا و قیامەتی تیایا ھەبێ و لە ھەمان کاتدا بۆی فەراھەم بێنێ...

ئەم کتێبە ٢٥ پەرتووک و ٣٧٢ باسە و ١٨٩٦ فەرموودەیە، لە چوار بەرگدا کە دوو دوو بەیەکەوە لە چاپدراون

دەستەکانتان خۆش بێت بۆ بەرز کردنەوەی ئەم شاکارە مەزنە

بارك الله فيكم
وجزاكم الله خيرا
واحسن الله اليكم
واعانكم الله ويسر امركم
كان الله لكم وكثر من امثالكم
ادام الله بقائكم علي الخير